Tui si klei ksiêm wĭt mơ̆ng knŭk kna mâo mdưm leh hlăm klei huĭdah bruă duh mkra ala ƀuôn êjai klei hlăm lăn čar lehanăn ti ala tač êngao dôk găn lu klei amâo mâo jăk, bruă kơ sang lăn ka ƀuh klei bi knăl lŏ bluh đĭ ôh, jih jang bruă bi hgŭm ngă, mbĭt hŏng klei hrui wĭt ngăn prăk kơ knŭk kna bŏ hŏng klei êmưt.

Ba hriê lu klei dleh hlăm bruă hrui ngăn prăk. Êjai anăn, klei ktrŏ kơ bruă bi liê ngăn prăk jing prŏng, msĕ si bi liê kơ bruă nah gŭ, bi liê kơ dŭm bruă mjêč hlăm kđi čar, bruă hŏng ala tač êngao, bruă răng mgang klei êđăp ênang, lehanăn kơ klei hdĭp mda ala ƀuôn… Kơ ênoh tĭng ngăn prăk kơ knŭk kna, hdră kơ ngăn prăk gưl dlông thhŭn 2025, knŭk kna srăng tui tiŏ hŏng hdră êlan duh bi liê kơ bruă mđĭ kyar ti hnơ̆ng djŏ, djăp ênŭm, djŏ hruê kčah, mâo mprăp ênoh mkăp, ênoh knŭk kna mkăp bi djŏ guôp pioh ba yua hlăm dŭm bruă mjêč./.