Bruă anei, mâo êpul bruă êdam êra, êpul hgŭm bruă êdam êra čar Gia Lai bi hgŭm hŏng êpul hgŭm bruă êdam êra kdriêk čar mrô 12, ƀuôn prŏng Hồ Chí Minh mkŏ mjing. Ti sang hră gưl sa Võ Văn Kiệt, să Ia Dơk, kdriêk Đức Cơ, hlăm klei mơak hŏng phung hđeh.

Êpul mkŏ mjing mđup brei leh mnơ̆ng, lehanăn mkra wĭt sang kơ dŭm gŏ sang dôk hlăm klei dleh dlan, mđup brei 1.000 pŏk hră kơ bruă êdam êra kdriêk Đức Cơ pioh đru kơ phung hđeh, lehanăn đru 5 hnư prăk đru hriăm hră mơar kơ hđeh hriăm hră thâo, dôk găn klei dleh dlan, lehanăn 20 hnư mnơ̆ng đru kơ hđeh hriăm hră dleh dlan. Ti să knông lăn Ia Dom, lŏ mâo lu bruă ngă: Mđup brei 400 pŏk hla čhiam gru ala čar, 30 huôm êa ksâo kơ phung hđeh, 50 hnư mnơ̆ng kơ dŭm gŏ sang dôk hlăm klei dleh dlan, lehanăn dhiang êlan klei pui kmlă hlăm knông lăn. Mbĭt anăn, 200 čô mnuih ƀuôn sang mâo mkă dlăng klei suaih pral amâo mâo liê prăk ôh./.