Mbĭt hŏng bruă mtrŭt mđĭ hdră duh bi liê, mnia mblei, bi hgŭm blei mnia, hưn mthâo klei găl mâo lehanăn dŭm mta mnơ̆ng lŏ hma jăk mơ̆ng dŭm alŭ wăl truh hŏng ƀĭng găp hlăm lehanăn êngao ala čar, hdră bi hgŭm dua nah plah wah ƀuôn prŏng Hồ Chí Minh lehanăn 5 čar krĭng Lăn dap kngư ƀrư̆ dưi mđing dlăng, hŏng 23 hdră bi hgŭm bruă mâo pŏk ngă.

Hlăm anăn, klei bi kƀĭn mtrŭt mđĭ hdră duh bi liê mâo ƀuôn prŏng Hồ Chí Minh mkŏ mjing hlăm mlan 4/2024 đru leh 5 čar Lăn dap kngư iêu mthưr hdră duh bi liê hlăm 558 hdră bruă, hŏng ênoh êbeh 300 êbâo êklai prăk; lu hdră mơar bi hdơr hgŭm bruă mdrao mgŭn, hdră đru kơ ala ƀuôn dưi bi mklă lehanăn ba wĭt boh tŭ. Klei kƀĭn ăt bi trông kơ hdră duh bi liê kơ kdrăp kah mbha, mđĭ kyar krĭng pla mjing hơĭt kjăp, êđăp ênang lehanăn klei găl bi hgŭm hlăm hdră lŏ hma, bi hgŭm hlăm bruă rông mnơ̆ng hlăm êa, bruă lŏ hma ba yua kdrăp mrâo mguôp hdră hiu čhưn lăn mnga, mđĭ hdră bi hgŭm ksiêm dlăng hnơ̆ng tŭ jăk mnơ̆ng dhơ̆ng plah wah ƀuôn prŏng Hồ Chí Minh lehanăn dŭm čar Lăn dap kngư…/.