Hưn hŏng Khua knŭk kna New Zealand kơ boh sĭt bruă duh mkra ala ƀuôn mơ̆ng ƀuôn prŏng, Nguyễn Văn Được brei thâo: jing ƀuôn prŏng mbruă hlăm lăn čar, ƀuôn prŏng Hồ Chí Minh mâo lu klei găl duh bi liê leh anăn mđĭ kyar lu mta bruă.

Khua bruă sang čư̆ êa ƀuôn prŏng Hồ Chí Minh hmăng hmưi gưl hriê čhưn mơ̆ng Khua knŭk kna Christopher Luxon srăng pŏk klei găl duh bi liê mtrŭt mđĭ klei bi mguôp mơ̆ng dŭm knơ̆ng bruă New Zealand kơ ƀuôn prŏng Hồ Chí Minh hlăm wưng kơ anăp. Khua knŭk kna Christopher Luxon lač, čiăng kơ Việt Nam jing ala čar mâo hnư hrui wĭt lu hlăm thŭn 2045 msĕ hŏng mta kñăm srăng mâo lu mta bruă srăng ngă. Ñu ăt hmăng hmưi gưl hriê čhưn anei srăng mtrŭt mđĭ klei bi mguôp hlăm lu mta bruă plah wah dua ala čar, mkŏ mjing klei găl kơ dua tĭng bi mguôp hlăm bruă duh mkra, mtô bi hriăm, hiu čhưn ênguê, bruă lŏ hma.