Mkŏ mjing mơ̆ng ară anei truh hruê 5 Tết, Knăm mơak Việt Quý Mão 2023 êdah kdlưn hŏng wăl “Êlan phung čih hră” hŏng hlăm brô 50 čô čih hră mda asei giê êa jŭ mơar hrah dôk čih kơ tuê. Wăl knăm mơak dưi bi msiam hŏng êbeh 1 êtuh phŭn mnga kñĭ jăk siam čiăng kơ phung tuê dưi ƀuh ai êwa jăk mơak ti ƀuôn prŏng anei.

Êngao anăn, tinei ăt mkŏ mjing dŭm bruă hlăp lêñ hruê Tết msĕ si: mmuôn rup, krah rup hŏng kyâo, čih kač rup djuê ana, anôk čhĭ mnơ̆ng ƀơ̆ng huă, anôk čhĭ ao dai… Tinei lŏ mâo lu bruă čŏng ngă, kriê dlăng Tết kơ mnuih ƀuôn sang msĕ si: Hdră “Gưl êdeh yan mnga” ba phung hđeh sang hră wĭt drông têt ti ƀuôn sang, “gưl êdeh bi hgŭm” kơ phug mă bruă  wĭt kơ ƀuôn sang… Ti knăm mphŭn pŏk, anôk bruă mkŏ mjing mđup brei mnơ̆ng Tết kơ phung hđeh mâo klei hdĭp dleh dlan, hđeh êrĭt amĭ ama kyua klei ruă Covid-19./.