Aguah 18/1, ti Sang yang nah dlông -  Wăl bi hdơr kơ phung mtao Hùng hlăm wăl đang mnga hƀuê ênuk dhar kreh djuê ana ƀuôn prŏng, bruă đảng ƀuôn prŏng, Êpul gơ̆ng bruă ƀuôn sang, Knơ̆ng bruă sang čư̆ êa, Knơ̆ng bruă mặt trận ƀuôn prŏng Hồ Chí Minh mkŏ mjing Knăm myơr ƀêñ điŏ kơ phung mtao Hùng ƀri gưl Tết nguyên đán 2023.

Anei jing bruă dhar kreh djuê ana grăp thŭn mâo ƀuôn prŏng Hồ Chí Minh mkŏ mjing hlăm gưl Tết nguyên đán, jiă kma dhar kreh djuê ana, mdê hjăn mơ̆ng mnuih ƀuôn sang kwar Dhŭng. Mơ̆ng anăn bi êdah klei mĭn mnăm êa hdơr kơ hnoh leh anăn ai tiê hdơr knga êlam kơ phung mtao Hùng, phung ba anăp mâo leh ai tiê mkŏ mjing ala čar leh anăn răng kriê ala čar. Leh knăm myơr điŏ kơ phung mtao Hùng, êpul bi ala khua gĭt gai bruă Đảng, Êpul gơ̆ng bruă ƀuôn sang, Knơ̆ng bruă mặt trận ƀuôn prŏng HCM nao myơr brui mngưi kơ Đức Lễ Thành hầu Nguyễn Hữu Cảnh.