Lê Trọng Yên, K’iăng khua knơ̆ng bruă sang čư̆ êa čar Daknông brei thâo, čar păn kjăp leh jih jang boh klei hlăm hang krông anei ti dŭm kdrêč mâo klei klưh hroh hang krông anôk găn să Quảng Phú, kdriêk Krông Nô.

Mơ̆ng anăn, Knơ̆ng bruă sang čư̆ êa čar gĭt gai leh dŭm êpul bruă djŏ tuôm, lehanăn bruă sang čư̆ êa kdriêk Krông Nô mkŏ mjing êpul nao ksiêm, lehanăn mâo klei hâo mdah. Lê Trọng Yên lač, tơdah klei klưh hroh ti dŭm anôk jing mâo leh klei dưi brei mă čuah, snăn čar srăng brei mdei anôk anăn mă čuah. Êngao anăn, čar Daknông kiă kriê mơh dŭm knơ̆ng bruă mă čuah blei lăn anôk mnuih ƀuôn sang, jĕ hlăm krĭng klưh hroh. Lăn mnai djiêo hang krông lu jing lăn čuah, tơdah phung duh mkra mčuah hŏng klei anăn blei lăn mnuih ƀuôn sang kñăm čiăng mă čuah soh hŏng klei bhiăn, čar srăng kiă kriê bruă mghaih msir hŏng klei ktang./.