Čar Kon Tum leh anăn čar Attapư mâo êlan knông lăn dlông êbeh 75 km hŏng ênhă dliê bi knông hlăm brô 39.000ha. Dliê ti krĭng anei dleh găn êrô, bi ktlah hŏng wăl mnuih ƀuôn sang dôk, hlăm dliê mâo lu hlô mnơ̆ng, kyâo mtâo yuôm bhăn anăn huĭdah srăng mâo klei ngă soh hlăm bruă kriê dlăng, răng mgang dliê. Wưng 2024- 2025,  Knơ̆ng bruă lŏ hma dliê kmrơ̆ng Kon Tum leh anăn Knơ̆ng bruă lŏ hma dliê kmrơ̆ng čar Attapư tŭ ư lŏ mđĭ bruă bi hgŭm, hâo hưn, kah mbha klei thâo ktuê dlăng, gang mkhư̆ klei ngă kơ dlie ekmrơ̆ng, gang mkhư̆ klei pui ƀơ̆ng dliê ti ktuê knông lăn dua čar.

Mơ̆ng thŭn 2016, Knơ̆ng bruă lŏ hma dliê kmrơ̆ng Kon Tum leh anăn Knơ̆ng bruă lŏ hma dliê kmrơ̆ng čar Attapư bi hgŭm kơ bruă răng mgang dliê ti knông lăn dua ala čar. Knŏng hlăm wưng 2019- 2023, êpul kahan răng mgang dliê čar Kon Tum ngă leh giăm 6 êtuh gưl ksiêm dlăng, ƀuh 35 klei ngă soh hŏng Hdră bhiăn dliê kmrơ̆ng. Êpul bruă čar Attapư ăt ngă leh 79 gưl ksiêm dlăng, mâo mă êbeh 48 m3 kyâo, hlô mnơ̆ng leh anăn lu mta mnơ̆ng mkăn./.