Blŭ hlăm knăm bi klă, Lê Ngọc Tuấn, khua bruă sang čư êa čar Kon Tum mñă klăm khădah čar Kon Tum leh anăn čar Stung Treng amâo mâo êlan knông lăn mbĭt, ƀiădah klei găl čŏng mâo, ngăn dŏ, lăn ala mâo lu klei msĕ čiăng hrăm mbĭt bi mguôp hlăm djăp mta bruă 2 tĭng uêñ mĭn. Hŏng klei bi thâo săng, đăo knang hdơ̆ng pô, êpul knuă druh gưl dlông čar Kon Tum leh anăn Stung Treng dưi bi klă boh tŭ klei bi mguôp hlăm wưng êgao, ktrâo klă dŭm klei dleh dlan êgun kpăk leh anăn bi tŭ ư bi klă hdră bi hdơr kơ klei bi mguôp.

Hlăm anăn, bruă duh mkra ala leh anăn bruă mkăn srăng kñăm bi mguôp mđĭ kyar bruă hiu čhưn ênguê, bruă lŏ hma, mnia mblei leh anăn tuh tia. Hlăm bruă dhar kreh – yang ƀuôn kñăm mđĭ kyar bruă mtô mjuăt bi hriăm, dhar kreh, đru kơ mnuih Việt Nam ti čar Stung Treng. Hlăm bruă mdrao mgŭn srăng kah mbha klei hriăm hlăm bruă gang mkhư̆ klei ruă tưp, mtô mjuăt mnuih mă bruă mdrao mgŭn leh anăn klei bi trông êpul. 2 tĭng bi tŭ ư 2 thŭn sa blư̆ srăng mlih tuôr mkŏ mjing klei kƀĭn trông bi klă dŭm boh tŭ dưn hlăm mta phŭn bi klă leh.