Čar Kon Tum lehanăn Ratanakiri (Campuchia) bi mklă mđĭ hdră bi hgŭm wưng thŭn 2023- 2028
Thứ sáu, 00:00, 20/10/2023
VOV TAYNGUYEN
VOV TAYNGUYEN
VOV4.Êđê- Kñăm mđĭ hĭn hdră bi hgŭm, aguah mbruê 19/10, ti ƀuôn prŏng Kon Tum, Êpul bi ala gưl dlông čar Kon Tum lehanăn Êpul bi ala gưl dlông čar Ratanakiri, Campuchia mkŏ mjing leh Klei bi kƀĭn hưn mthâo kơ hdră duh mkra – ala ƀuôn mơ̆ng grăp čar, tĭng dlăng boh tŭ hdră bi hgŭm dua čar wưng êgao, tă hdră bi hgŭm mă bruă kơ wưng ti anăp lehanăn bi mklă Hră m’ar bi hdơr Klei bi kƀĭn mđĭ hĭn klei bi mjĕ hgŭm bruă plah wah 2 čar wưng thŭn 2023- 2028.
Blŭ ti knăm anei, Dương Văn Trang, Khua hlăm Anôk bruă Đảng gưl dlông, Khua bruă Đảng čar, Khua Êpul gơ̆ng bruă ƀuôn sang čar Kon Tum mñă leh klei hgŭm mguôp jăk siam, kluôm dhuôm plah wah Việt Nam- Campuchia lehanăn 2 čar Kon Tum- Ratanakiri amâo mdei dưi bi kjăp, jing klei bi êdah prŏng yuôm.
Kơ hdră bi hgŭm 2 čar wưng ti anăp, hluê ai tiê thâo săng, đăo knang, Dương Văn Trang mtă kơ čar Ratanakiri mjing klei găl čiăng kơ mnuih Việt Nam dôk hdĭp, mă bruă ti čar Ratanakiri ñŭ kma, bi h’ĭt klei hdĭp, đru mguôp hlăm hdră mđĭ kyar mơ̆ng čar./.
Viết bình luận