Wưng leh êgao, dua boh čar mâo leh klei bi mguôp kjăp jih jang bruă tui si knŭk kna dua ala čar bi tŭ ư leh, jih jang bruă mâo klei bi hgŭm, bi mnia mblei, duah klei duh bi liê. Kon Tum kah leh prăk đru hriăm hră mơar ti hnơ̆ng gưl prŏng kơ 15 čô hđeh hriăm hră mơ̆ng čar Chăm-pa-sắc; đru dŭm gŏ êsei Chăm-pa-sắc drông knăm djuê ana Bun Py-may; čar Chăm-pa-sắc mjing djăp klei găl đru kơ čar Kon Tum hlăm bruă tui duah klang kleh kahan Việt Nam djiê êngiă hlăm klei bi blah.

Hlăm wưng tinăp, dua čar Kon Tum lehanăn Chăm-pa-sắc lŏ dơ̆ng mjing djăp klei găl bi đru hdơ̆ng găp, čiăng kơ jih jang dŭm knơ̆ng dhar bruă êpul êya, alŭ wăl mâo klei bi hgŭm hlăm djăp mta, bi tŭ ư kơ bruă hiu čhưn ênguê plah wah dua boh čar; čar Kon Tum lŏ dơ̆ng đru 10 hnư prăk đru hriăm hră mơar ti hnơ̆ng gưl prŏng lehanăn 5 hnư prăk hriăm hră ti hnơ̆ng gưl mkrah dưh klei hriăm bruă kđi čar kơ čar Chăm-pa-sắc.