Giăm 300 čô bi ala jing khua gĭt gai dŭm dhar bruă, adŭ bruă đru kčĕ hlăm bruă hâo hưn hlăm Êpul bruă hâo hưn dŭm anôk bruă Đảng čar, ƀuôn prŏng, bruă Đảng hlăm gưl dlông, dŭm êpul êya bruă kđi čar yang ƀuôn, êpul phung hưn mdah dŭm gưl hlăm lăn čar nao hgŭm. Klei kƀĭn trông mkăp lu mmông hâo hưn kơ dŭm hdră kơ boh sĭt ASEAN, boh tŭ đa đa bruă hŏng tač êngao yuôm bhăn mơ̆ng Đảng, knŭk kna leh anăn dŭm hdră tă prŏng mơ̆ng bruă hŏng tač êngao hlăm wưng kơ anăp.

Phan Xuân Thuỷ, k’iăng khua Êpul bruă hâo hưn gưl dlông mñă hlăm wưng kơ anăp, dŭm êpul bruă hâo hưn dŭm anôk bruă đảng čar, ƀuôn prŏng mbĭt hŏng phung hưn mdah dŭm gưl kñăm hâo hưn kluôm êlam kơ phung knuă druh, đảng viên leh anăn dŭm gưl mnuih ƀuôn sang kơ dŭm boh tŭ dưn yuôm bhăn hŏng klei mđĭ kyar lăn čar, mñă kơ bruă hâo hưn asăp mtrŭn mrô 35 hruê 14/6/2024 mơ̆ng Phŭn bruă kđi čar kơ klei kƀĭn kluôm bruă đảng dŭm gưl anăp truh kơ klei kƀĭn kluôm phung bi ala kluôm ala tal 14 mơ̆ng Đảng ăt čiăng dưi mkŏ mjing hdră êlan klă nik, čiăng hâo hưn, boh nik mă klei blŭ mguôp mơ̆ng phung knuă druh, đảng viên leh anăn mnuih ƀuôn sang nao ba mdah dŭm hră mơar hlăm klei kƀĭn.