Čuăl mkă čar Dak Nông kơ 7 klei mĭn mđ kyar, hdră kñăm truh thŭn 2030 mkŏ mjing čar jing anôk mâo bruă duh mkra pral kdal leh anăn kjăp ti krĭng Lăn Dap Kngư, jing anôk bruă tuh tia mkra mjing bôxít - ksuêh ala čar, anôk mkra mjing êa pui êwa čuh krĭng Lăn Dap Kngư; mđĭ kyar hiu čhưn ênguê, mdei msăn mâo klei găl mơ̆ng yan adiê, klei jăk siam, mđĭ kyar bruă lŏ hma hlue kdrăp mrâo, kjăp. Hnơ̆ng trah dlăng truh thŭn 2050, Dak Nông jing čar đĭ kyar ti Lăn Dap Kngư, mâo prăk hrui wĭt kah knar mơ̆ng grăp čô mnuih ƀuôn sang lu hĭn kluôm ala.

Dak Nông tă hdră mjing 3 klei êdah kdlưn hlăm bruă mđĭ kyar kơ: Êpul bi hgŭm mkra mjing bôxít - ksuêh - msei leh anăn bruă mkra mjing pui kmlă doh; Bruă lŏ hma kjăp mdrơ̆ng hŏng klei bi mlih yan adiê; Hiu čhưn ênguê, mdei msăn hŏng wăl dliê kmrơ̆ng jăk siam, êpul êya leh anăn ƀăng kơưp čư̆ pui kluôm rŏng lăn UNESCO. Čar mđĭ kyar 11 ƀuôn prŏng hlăm 3 krĭng phŭn, 4 hdră bruă duh mkra hluê dŭm ktuê êlan 14, 14C, êlan dơ̆ng ala čar 28 leh anăn dŭm ktuê êlan Ngŏ -Yŭ. Dak Nông ăt ba mdah 14 êpul hdră msir klă klơ̆ng čiăng iêô jak klei găl hlue ngă hdră čuăl mkă.