Bi ala phung khua bruă Đảng čar, Anôk bruă sang čư̆ êa, Anôk bruă Mặt trận čar Quảng Bình nao čuh brui mngưi, čuă msat Đại tướng Võ Nguyên Giáp ti Vũng Chùa, Đảo Yến hlăm să Quảng Đông, kdriêk Quảng Trạch, čar Quảng Bình. Hlăm ai êwa mpŭ, phung khua čar Quảng Bình dưm leh kwang mnga, čuh brui mngưi lehanăn lui sa mnĭt lŏ bi hdơr kơ klei đru mguôp prŏng prĭn mơ̆ng Đại tướng Võ Nguyên Giáp.

Đại tướng Võ Nguyên Giáp jing hđeh hriăm hră êdah kdlưn mơ̆ng Khua gĭt gai Hồ Chí Minh, sa čô tướng hing ang êdi tar rŏng lăn, čô anak êdah kdlưn mơ̆ng ƀuôn sang Quảng Bình. Đại tướng Võ Nguyên Giáp lo jing pô mă bruă dhar kreh, sa čô khua kiă kriê jăk êdi hlăm knhuah mă bruă cách mạng, mnuih mâo k’hưm mơ̆ng Đảng, Knŭk kna, Mnuih ƀuôn sang, lĭng kahan lehanăn ƀĭng găp tar rŏng lăn./.