Gưl čhĭ mnia mâo klei nao hgŭm mơ̆ng 120 knơ̆ng bruă, êpul hgŭm bruă, gŏ sang čhĭ mnia hŏng 130 anôk čhĭ djam mtam, mnga, bruă hiu čhưn ênguê bruă lŏ hma, dŭm mta mnơ̆ng dhơ̆ng OCOP phŭn, mâo klei găl mơ̆ng ƀuôn prŏng Đà Lạt, Bảo Lộc leh anăn dŭm kdriêk mơ̆ng čar Lâm Đồng. Êngao kơnăn, kdriêk čar mrô 8 – ƀuôn prŏng Hồ Chí Minh leh anăn anôk bruă knŭk kna kdriêk Hampyeong (čar Jeolla Nam, Dhŭng Korea) ăt mâo anôk rang mdah mnơ̆ng dhơ̆ng.

Hluê si Nguyễn Văn Sơn, k’iăng khua bruă sang čư̆ êa ƀuôn prŏng Đà Lạt, gưl čhĭ mnia jing wăl mtrŭt mđĭ klei mnia mblei, jing anôk găl čiăng kơ dŭm êpul êya, grăp čô ngă bruă mkra mjing, mnia mblei djam mtam, mnga leh anăn dŭm mta mnơ̆ng dhơ̆ng phŭn mơ̆ng alŭ wăl bi tuôm, kah mbha klei hrăm, tui duah ƀĭng hgŭm leh anăn bi klă dŭm klei kuôl kă mnia mblei. Gưl čhĭ mnia anei pŏk truh kơ hruê 15/12 kơ anăp.