Mơ̆ng 10 thŭn jing ƀĭng hgŭm phŭn, klei bi hgŭm plah wah Việt Nam - Thái Lan mâo leh dŭm knhuang kjăp hlăm dŭm mta bruă kđi čar, duh mkra, bi hgŭm hŏng tač êngao, dhar kreh, lĭng kahan – klei êđăp ênang. Hŏng ƀuôn prŏng Đà Nẵng, ară anei mâo 13 hdră bruă mơ̆ng Thái Lan dôk dưi dưn yua hŏng ênoh prăk bi liê hlăm brô 60 êklăk đôlar Mi, kƀĭn hlăm dŭm hdră bruă mnia blei, čhĭ liê, mkra mjing, tă kčoh, rŭ mdơ̆ng. Ară anei, Đà Nẵng mâo 57 hdră bruă dôk iêô mthưr duh bi liê hlăm lu hdră bruă. Knăm mơak mnia blei lu ala čar – hiu čhưn ênguê- bi liê bruă duh mkra  Ngŏ –Yŭ khăng dưi mkŏ mjing ti Đà Nẵng, iêo jak klei mđing dlăng, tŭ dưn mơ̆ng anôk bruă mnia blei Thái Lan.

Blŭ hrăm hlăm klei bi kƀĭn, Hồ Kỳ Minh, K’iăng Khua Knơ̆ng bruă sang čư̆ êa ƀuôn prŏng Đà Nẵng čang hmang, Klei bi kƀĭn jing kban mkŏ tŭ dưn hŏng phung duh bi liê Thái Lan leh anăn jih jang phung duh bi liê hlăm ala čar hriê ti Đà Nẵng. Khua gĭt gai ƀuôn prŏng Đà Nẵng ƀuăn rơ̆ng đru, mjing klei găl jih hnơ̆ng čiăng kơ phung bi liê Thái Lan leh anăn phung bi liê hlăm ala čar pŏk ngă hdră bruă, mia blei tŭ dưn ti Đà Nẵng.