Klă klơ̆ng hlăm mlan 9 thŭn 2023, êpul kahan ksiêm čar Dak Lak thâo ƀuh leh anăn ngă hră mơar 36.258 čô ngă soh hlăm êlan klông, hlăm anăn mâo 8.650 čô mgăt êdeh ô tô, êdeh p’phŭt yua kpiê, ƀiêr hlăk mgăt êdeh hlăm êlan, mâo giăm 23,9% ênoh phung ngă soh.

Năng mđing mâo lu phung kpiê ruă mgăt êdeh kahan ksiêm đŭ bi kmhal truh 40 êklăk prăk. Hlăm ênoh anăn mâo lu phung knuă druh, đảng viên, phung mă bruă knŭk kna. Čiăng rơ̆ng êđăp ênang hlăm êlan klông truh jih thŭn 2023, êpul kahan ksiêm čar Dak Lak mkŏ mjing hdră kčah dăp mnuih, kdrăp mnơ̆ng mđĭ bruă hâo hưn, ksiêm dlăng hlăm ktuê êlan dơ̆ng prŏng, dŭm anôk khăng mâo klei bi drăm, pŏk ngă dŭm anôk ksiêm dlăng hnơ̆ng kôl, ma túi… Mơ̆ng anăn, msir mgaih bi jăk phung mgăt êdeh hlăm êlan klông yua kpiê, ƀiêr, ma túy, kñăm mkhư̆ ƀiă hĭn klei bi drăm hlăm êlan klông djŏ tuôm kơ bruă anei.