Dak Lak bi mlih hrue čih mmông kŏngtơr pui
Thứ tư, 14:57, 04/10/2023
VOV Tây Nguyên
VOV Tây Nguyên
VOV4.Êđê - Ngă tui si hdră êlan mơ̆ng anôk bruă pui kmlă Việt Nam, mơ̆ng mlan 10/2023, Knơ̆ng bruă pui kmlă čar Đắk Lắk srăng bi mlih hrue čih kŏngtơr pui wĭt kơ hrue knhal jih mlan kơ phung yua pui hlăm čar.
Hlue anăn, hlăm thŭn 2023, anôk bruă pui kmlă srăng bi mlih hrue čih mmông pui wĭt ti hrue knhal jih mlan kơ 289 êbâo čô yua pui (truh 48,5% ênoh phung yua pui), jing dŭm gŏ êsei yua pui mâo ênoh mơ̆ng hrue 16 kơ dlông. Hlăm thŭn 2024, bruă pui kmlă srăng bi mlih hrue čih mmông pui ti knhal jih mlan kơ dŭm gŏ êsei adôk.
Dưi thâo mơ̆ng akŏ thŭn 2023, anôk bruă pui kmlă čar Daklak mkŏ mdưm leh kŏngtơr pui hŏng elektronik hrui čih ênŭm 100% mkă iêp ênoh mơ̆ng kbưi, rơ̆ng kơ ênoh klă djŏ, ênưih kăp ksiêm, wăt hŏng mnuih yua pui thâo kơ ênoh pô dôk yua pui. Bruă bi mlih anei jing jăk, mâo klei tŭ dưn, ngă bruă hlăm klei mngač tač, păn kjăp ênoh pui ba yua, lehanăn ngă bruă hlăm klei dưi mkiêt mkriêm prăk pui./.
Viết bình luận