Mta kñăm mơ̆ng Klei bi kƀĭn tă hlăm 5 thŭn kơ anăp jing mđĭ klei thâo blŭ klei Angle lehanăn klei thâo ñŭ kma hŏng tar rŏng lăn mơ̆ng phung sinh viên; Mbĭt anăn đru mđĭ kyar klei thâo kơ phung sinh viên mnuih djuê ƀiă ti alŭ wăl. Dak Lak ară anei mâo êbeh 14.400 čô sinh viên, dôk hriăm ti 12 Sang hră gưl prŏng, gưl krah. Hlăm anăn, mâo giăm 3.000 sinh viên mnuih djuê ƀiă.

Hlăm 5 thŭn êgao, hdră sinh viên lehanăn hdră mă bruă mơ̆ng Êpul Sinh viên Việt Nam čar Dak Lak mâo leh dŭm klei đĭ kyar hŏng lu hdră bruă jăk, mâo jak ieu lu phung êdam êra, sinh viên nao hgŭm. Lu hdră bruă klă sĭt kyua êpul êya msĕ si: Hdră Yan bhang mtah, Đru mđĭ ai yan bi lông. Dŭm hdră mtrŭt mjhar “Mkŏ mjing gru hmô phung êdam êra Dak Lak ênuk mrâo”, “Grăp hruê sa klei hưn jăk, grăp hruê kăm sa klei yăl dliê siam,”, mao lu phung sinh viên nao hgŭm. Êbeh 3.000 sinh viên hgao klei dleh dlan mâo mă prăk đru hriăm hră êbeh 3 êklai prăk./.