Tlam mbruê 20/12, kahan ksiêm čar Dak Lak mkŏ mjing klei kƀĭn trông online hŏng dŭm kdriêk, ƀuôn prŏng hlăm čar čiăng bi klă boh sĭt, hdră êlan gang mkhư̆, bi kdơ̆ng hŏng klei ngă soh hŏng hdră bhiăn, klei truh tơl djŏ tuôm hŏng phao mơar hlăm phung hđeh sang hră. Hliê si klei hưn hlăm klei kƀĭn trông, knŏng hlăm hruê kăm anei ti čar Dak Lak hmao buh 12 boh klei, 57 čô hđeh sang hră mkra phao mơar, lu hđeh sang hră êka.

Anôk bruă djŏ tuôm hrui mă leh êbeh 27kg mnơ̆ng yua mkra mjing phao mơar, giăm 300 boh phao mơar čŏng mkra mjing. Năng mđing jing lu klei čŏng mkra mjing mâo phung hđeh sang hră ngă leh anăn lu klei êka truh kyua mtuh phao mơar. Anôk bruă kahan ksiêm hluê ngă hrăm mbĭt, ktang phĭt hŏng lu hdră êlan čiăng gang mkhư̆, bi kdơ̆ng, gang mkhư̆ klei blei hoá chất wĭt mkra mjing phao mơar hlăm phung mda asei, boh nik hlăm phung hđeh sang hră, bi mguôp hŏng bruă hâo hưn, mtrŭt mjhar mnuih ƀuôn sang boh nik jing phung amĭ ama, mđĭ klei thâo săng leh anăn hluê ngă djŏ hdră bhiăn kơ bruă kriê dlăng, mkra mjing, dŭ mdiăng, yua phao mơar.