Ti anôk bi kƀĭn, bruă Đảng čar Dak Lak hưn mthâo leh dŭm klei bi mklă kruăk klei bi mlih hlăm hdră mkŏ mjing anôk bruă lehanăn knuă druh mơ̆ng čar. Klăklơ̆ng: Mkŏ mjing bruă Đảng dŭm anôk bruă Đảng čar lehanăn bruă Đảng Anôk bruă sang čư̆ êa čar.

Klei bi mklă bi mŭt mbĭt Anôk kriê dlăng bruă Đảng čar lehanăn Anôk bruă Đru čung ba mnuih ƀuôn sang čar. Bi mklă mjưh hdră mă bruă mơ̆ng bruă Đảng đoàn, Anôk knuă druh bruă Đảng mơ̆ng Dhar bruă răng mgang klei suaih pral phung knuă druh čar, bruă Đảng êpul dŭm anôk bruă duh mkra čar. Bi kruh Knơ̆ng bruă hŏng tač êngao mbĭt anăn jao hdră mă bruă kơ Dhar bruă Dhar kreh – Ala ƀuôn Êpul gơ̆ng bruă ƀuôn sang čar. Mjưh ruê̆ hdră mă bruă mơ̆ng Dhar bruă Djuê ana Êpul gơ̆ng bruă ƀuôn sang čar, jao bruă klam anei kơ Dhar bruă Dhar kreh – Ala ƀuôn Êpul gơ̆ng bruă ƀuôn sang čar. Ăt ti anôk bi kƀĭn, Dak Lak hưn mthâo leh Klei bi mklă mdei bruă êlâo kơ jih thŭn hŏng dŭm phung khua knơ̆ng mơ̆ng čar./.