Klă klơ̆ng, Bruă hđeh êdam êra srăng kñăm kơ bruă bi blŭ hrăm hlăm mbah internet yang ƀuôn, mbah tla bruă online, nao hgŭm êlam hlăm dŭm anôk mnia mblei điện tử. Bruă čô kơ bruă mơ̆ng phung hđeh êđam êra ăt srăng nao êlam kơ bruă mnia blei điện tử leh anăn đru kơ kdrăp OCOP.

Hlăm thŭn leh êgao, phung mda asei Dak Lak mkŏ mjing leh 2.500 bruă mkŏ mkra, hdră bruă hđeh êdam êra, mkŏ mjing 16 hdră kuč mngač krĭng ƀuôn sang leh anăn êlan knông lăn, dŭm pluh boh sang klei khăp, dŭm êtuh km êlan dơ̆ng krĭng ƀuôn sang, mđup brei dŭm êbâo hnư mnơ̆ng kơ phung ƀun ƀin leh anăn phung knŭk kna dlăng ba.