Čar Dak Lak pŏk ngă leh bruă mprăp kơ klei ruah khua kjăp, rơ̆ng hnơ̆ng leh anăn djŏ hdră kčah. Knơ̆ng bruă ruah khua čar hưn mdah lehh anăn klă sĭt 25 čô mgơ̆ng ruah phung bi ala Bruă kƀĭn ala gưl XVI tti 5 anôk ruah khua čiăng ruah 15 čô bi ala Bruă kƀĭn ala; 141 čô mgơ̆ng ruah bi ala Êpul gơ̆ng bruă ƀuôn sang ti  27 anôk bruă ruah khua čiăng ruah 84 bi ala Êpul gơ̆ng bruă ƀuôn sang čar gưl XI, wưng 2026 - 2031.

Hlue si Cao Thị Hòa An,  Khua Êpul gơ̆ng bruă ƀuôn sang čar, Khua Knơ̆ng bruă ruah khua čar Dak Lak, wưng mơ̆ng ară anei truh hruê 15/3/2026 mjing wưng mjêč snăk, bi mklă hlăm bruă mprăp kơ dŭm knhuang yuôm bhăn mơ̆ng hdră ruah khua. Kyua anăn, ñu mtă kơ dŭm gưl bruă Đảng, anôk bruă leh anăn alŭ wăl brei mđĭ lar ai tiê đua klam, bi mklă hlăm klei gĭr gai, rơ̆ng djăp hdră bruă hlăm klei ruah khua dưi pŏk ngă djŏ hdră kčah.