Hŏng klei blŭ “mđing hmư̆ leh anăn ngă bruă”, hlăm klei bi kƀĭn blŭ hrăm hŏng Anôk bruă duh mkra čar Dak Lak thŭn 2023 mkŏ mjing hruê 19-10, khua gĭt gai čar čih yap lu klei blŭ mguôp mơ̆ng dŭm anôk bruă duh mkra, hlăm anăn mâo bruă čar dôk msir mgaih. Hlue si klei hâo hưn hlăm klei bi kƀĭn, truh ară anei ênoh dôk bruă duh mkra ti Dak Lak pral msir mgaih klei dleh dlan, mđĭ ktang bruă mkra mjing, duh mkra, rơ̆ng klei hdĭp kơ mnuih mă bruă. Khădah snăn, hră mơar ăt jing bruă dŭm anôk bruă duh mkra ti čar amâo tŭ ư.

Leh mđing hmư̆ klei mĭn dŭm anôk bruă duh mkra leha năn dŭm klei wĭt lač mơ̆ng khua gĭt gai dŭm knơ̆ng, dhar bruă, Phạm Ngọc Nghị,  Khua Knơ̆ng bruă sang čư̆ êa čar Dak Lak mblang klă hĭn dŭm klei êmuh, klei anôk bruă duh mkra akâo hlăm djăp mta bruă. Mbĭt anăn gĭt gai dŭm anôk bruă brei gĭr hĭn hlăm hdră đru kơ anôk bruă duh mkra.