Klei hưn mdah hlăm klei bi kƀĭn, wưng anei, Bruă Đảng čar Dak Lak kčah 6 bruă klam, 3 hdră êdah êdi, hlăm klei mđĭ kyar bruă duh mkra ala ƀuôn, Mơ̆ng 2 thŭn mkrah pŏk ngă truh ară anei, dŭm bruă klam klă klơ̆ng. Mđĭ kyar bruă duh mkra man dưn, kah knar đĭ 7,07%/thŭn (hdră kčah wưng 2020-2025 kah knar đĭ 7,01%/ thŭn); ênoh mnơ̆ng dhơ̆ng mâo 56% hdră kčah; hnơ̆ng bruă duh mkra thŭn 2023 lu hĭn 1,2 blư̆ mkă hŏng thŭn 2020.

Êngao kơ dŭm klei tŭ dưi mâo, phung bi ala klă mngač ktrâo kơ klei êdu kƀah hlăm bruă hlue ngă Hdră mtrŭn bruă Đảng čar Dak Lak mkrah wưng êgao msĕ si bruă gĭt gai mơ̆ng dŭm gưl bruă đảng, bruă sang čư̆ êa ka jih hnơ̆ng, ka djŏ wưng kčah. Bruă ngă mơ̆ng jih bruă kđi čar mâo anôk ka hrăm mbĭt, klei bi hgŭm păn kjăp boh klei ti alŭ wăl ka jăk, boh klei êđăp ênang kđi čar, ala ƀuôn mâo anôk mâo klei ka kjăp, bruă kriê dlăng, răng mgang dliê ti dŭm alŭ wăl ka jăk…