Phung khua anôk bruă duh mkra mblang, mta phŭn boh klei anei jing prăk mnga ƀiă, mnia blei amâo mnga leh anăn kƀah phŭn mkăp. Hlue si klei ksiêm dlăng boh sĭt mơ̆ng phung čih klei mrâo, hruê 31/1, knŏng hjăn ktuê êlan Hồ Chí Minh kdrêč găn wăl krah Ƀuôn Hồ, mâo leh 2 boh sang čhĭ êa săng jing “Appollo Oil mrô 8” hlăm knơ̆ng bruă  Hoàng Nam leh anăn “Hồng Quý 1” yuôl hră jih êa săng êa pui.

Ktuê êlan dơ̆ng prŏng 29, kdrêč găn să Tân Lập, kdriêk Krông Ƀuk, mâo sang čhĭ êa săng Rồng Vàng ăt yuôl hră jih êa săng leh anăn mdei čhĭ mnia.  Hlue si Knơ̆ng bruă kriê dlăng bruă čhĭ mnia Dak Lak, anôk bruă păn kjăp boh klei đa đa dŭm anôk bruă mnia blei êa săng ti kdriêk Krông Ƀuk leh anăn Ƀuôn Hô jih êa săng, yuôl hră mdei čhĭ êjai.