Leh 2 thŭn pŏk ngă, Dak Lak dưi mkŏ mjing leh hdră mrô mkăp kơ bruă mđĭ kyar bruă knŭk kna điện tử, mđing truh kơ bruă knŭk kna mrô dŭm gưl, mprăp kơ hdră kiă kriê, đru mđĭ boh tŭ dưn hdră kriê dlăng lehanăn mtrŭt mđĭ bruă mkra mlih klei ngă hră m’ar knŭk kna. Truh ară anei, 100% hdră ngă hră m’ar knŭk kna kluôm čar mâo djăp klei găl dưi mkăp hlăm lu kdrăp mdê mdê hlăm êlan mạng, mâo wăt đĭng blŭ djă hiu. 95% hră m’ar mă bruă gưl čar; 50% gưl kdriêk lehanăn 20% gưl să mâo msir mghaih hlăm êlan mạng.

Ti anôk bi kƀĭn, bi ala dŭm knơ̆ng, dhar bruă, alŭ wăl mđing bi trông kơ bruă knŭk kna mrô, bruă duh mkra mrô, yang ƀuôn mrô; Bi mlih mrô hlăm hdră lŏ hma, mdrao mgŭn, mjuăt bi hriăm, kriê dlăng ƀuôn prŏng. Mơ̆ng anăn, mâo dŭm klei ba mdah čiăng kơ bruă mlih mrô ti alŭ wăl dưi mđĭ pral, kluôm dhuôm./.