Hluê si klei hưn dăp mrô hnơ̆ng ai dưi bi ktưn gưl čar thŭn 2022, čar Dak Lak mâo 60,91 puăng, dôk tal 60/63 čar, ƀuôn prŏng, dôk knhal tuč ti krĭng Lăn Dăp Kngư. Hluê si hdră êlan mrâo ba mdah, Bruă sang čư êa čar Dak Lak mdưm mta kñăm mă PCI thŭn 2023 – 2025 mơ̆ng čar mâo ti hnơ̆ng kah knar kơ dlông leh anăn hnơ̆ng mrô kdrêč mâo 6 păng kơ dlông.

Mbĭt anăn lač klă 7 êpul hdră êlan čiăng hluê ngă ktang phĭt. Hlăm anăn, mđĭ hĭn bruă klam, klei čŏng pô mơ̆ng dŭm knơ̆ng, dhar bruă, bruă sang čư êa dŭm kdriêk, wăl krah leh anăn ƀuôn prŏng, mtrŭt mđĭ klei mlih mrâo hră mơar knŭk kna, bi hrŏ mmông ngă hră mơar djŏ tuôm hŏng klei duh bi liê, mnia mblei mơ̆ng knơ̆ng bruă, bi hrŏ mmông êrô êbat, ênoh prăk ñŭ kma hŏng anôk mnia mblei, lăn ala, mđĭ klei bi tuôm, blŭ hrăm, mgaih msir dŭm klei dleh dlan, kpăk gun mơ̆ng knơ̆ng bruă.