Hlue si Êpul hgŭm dŭm êpul bruă bi hgŭm čar Dak Lak, hlăm wưng êgao, grăp thŭn, čar mkŏ mjing hdră bi tuôm hŏng mnuih Việt Nam ti ala tač êngao wĭt drông tết djuê ana, êmuh hrăm, mđup brei mnơ̆ng kơ digơ̆ wĭt čhưn ti ƀuôn sang. Bi hgŭm hŏng dŭm anôk bruă, êpul hgŭm bruă mkŏ mjing bruă mjĕ êrô dhar kreh- kdŏ mmuiñ, klei bi lông ksiêm hriăm dhar kreh čiăng mđĭ klei thâo săng kơ phung êdam êra leh anăn mnuih ƀuôn sang. Gĭr hgŭm hlăm bruă mjĕ êrô mơ̆ng gưl dlông leh anăn krĭng wăl.

Hlăm 5 thŭn êgao, čar drông leh 58 êpul tuê tač êngao hŏng dŭm êtuh gưl tuê nao mă bruă, mjĕ êrô ksiêm hriăm leh anăn kčah klei bi hgŭm hlăm lu mta bruă. Hlăm wưng kơ anăp, Êpul bi hgŭm čar Dak Lak kčah hdră kñăm mđĭ kyar thiăm êpul bi hgŭm dua nah mrâo, mkŏ mjing klei bi blŭ hrăm hŏng tač êngao mnuih ƀuôn sang hŏng ala čar mkăn. Gĭr mđĭ lar klei iêô mkrum mâo 20 êklai prăk đru dŏng êngao knŭk kna ala tač êngao hlue si hdră kñăm mơ̆ng Knơ̆ng bruă sang čư̆ êa čar kčah.