Thŭn 2025, čar Dak Lak mă klei mđĭ kyar klei čih pioh mrô jing mta kñăm hlăm klei mlih mrô hlăm alŭ wăl. Čiăng hluê ngă klei gĭr anei, bruă sang čư̆ êa čar ba mdah leh hdră mtrŭn bi klă hdră êlan “Mlih mrô čar Dak Lak- mă klei đĭ kyar klei čih pioh mrô jing mta kñăm – thŭn 2025”.

Mta kñăm phŭn mơ̆ng hdră êlan jing mă klei đĭ kyar klei čih pioh mrô jing mta kñăm mơ̆ng klei mlih mrô, jing mta phŭn, mtrŭt mđĭ klei đĭ kyar bruă duh mkra ala ƀuôn mrô, mâo bruă klam kmeh gơ̆ng hlăm bruă mtrŭt mđĭ klei mlih mrô mơ̆ng čar hlăm thŭn 2025 leh anăn hlăm wưng kơ anăp. Mbĭt hŏng anăn, Dak Lak mtrŭt mđĭ bruă hâo hưn, mtô mjuăt leh anăn mđĭ klei thâo mơ̆ng phung knuă druh, phung mă bruă knŭk kna kơ bruă klam leh anăn boh tŭ dưn mơ̆ng klei čih pioh mrô hlăm klei mlih mrô.