Hluê hdră “Mđĭ hĭn klei ba yua kdrăp mrâo lehanăn bi mlih mrô hlăm bruă mtô bi hriăm wưng thŭn 2022 – 2025, tă hdră êlan truh thŭn 2030 ti alŭ wăl čar Dak Lak”, thŭn 2025, jih anôk bruă mtô bi hriăm hlăm alŭ wăl čar mkŏ mkra lehanăn tŭ dưn kdrăp hâo hưn ênuk mrâo hlăm klei mlih mrâo hdră mtô bi hriăm lehanăn hdră ksiêm dlăng, bi mklă. Mta phŭn hdră mtô bi hriăm dưi pŏk ngă hluê hdră online dưi mâo kah knar 5% ti gưl sa, 10% ti gưl dua.

Hluê ngă hdră anei, ară anei anôk bruă mtô bi hriăm Dak Lak ba yua leh tŭ dưn hdră mrô hlăm bruă mtô bi hriăm gưl hđeh điêt, gưl sa, gưl dua, gưl tlâo lehanăn anôk bruă mjuăt bi hriăm nanao; Pŏk hdră bi mguôp klei hâo hưn mkăn hlăm klei hâo hưn mơ̆ng anôk bruă; mtrŭt mđĭ hdră ba yua kdrăp mrâo hlăm sang hră kơ bruămlih mrâo hdră mtô bi hriăm, bi lông lehanăn ksiêm dlăng, bi mklă, hdră mjuăt bi hriăm phung knuă druh kriê dlăng, phung nai mtô, hdră hrŏng ruah mnuih hriăm./.