Mâo giăm 500 hdră bruă êdam êra dưi hlue ngă hnơ̆ng giăm 7 êklai 8 êtuh êklăk prăk. Anei jing dŭm klei tŭ êdah kdlưn dưi lač hlăm klei bi kƀĭn ksiêm wĭt hdră bruă êdam êra ba anăp thŭn 2023 mơ̆ng bruă êdam êra čar Dak lak mkŏ mjing knhal jih hruê kăm êgao. Hŏng akŏ Phung êdam êra Dak lak ba anăp hlăm klei mlih mrô, Hdră êdam êra ba anăp čar Dak Lak thŭn anei dưi pŏk ngă hŏng êbeh 830 êpul, 270.400 gưl phung êdam êra.

Hlăm 3 mlan mơ̆ng hdră bruă, kluôm čar ngă leh giăm 500 hdră bruă êdam êra hŏng ênoh mnga jing giăm 7 êklai 8 êtuh êklăk prăk. Dŭm hdră bruă kƀĭn hlăm hdră mkŏ mkra krĭng ƀuôn sang mrâo, wăl ƀuôn prŏng thâo mĭn; răng mgang wăl hdĭp mda, mdrơ̆ng hŏng klei bi mlih yan adiê; rơ̆ng êđăp ênang, ala ƀuôn leh anăn kriê dlăng kơ phung hđeh. Lu bruă ngă kƀĭn hlăm dŭm alŭ wăl krĭng taih kbưi, krĭng knông lăn ti dŭm kdriêk Lăk, Mdrak, Ƀuôn Đon, Ea Sup leh anăn Krông Bông.