Čar Dak Lak mâo hlăm brô 9.000 čô dôk hdĭp mda, tui hriăm leh anăn mă bruă ti 29 ala čar leh anăn alŭ wăl. Hlăm wưng êngao, diñu mâo nanao klei bi mguôp hŏng ƀuôn sang leh anăn bi êdah klei khăp kơ ala čar, mbĭt hŏng mnuih ƀuôn sang hlăm ala čar răng mgang klei dưi kiă kriê plao ksĭ ala čar, đru mkŏ mjing ƀuôn sang. Hlăm 5 thŭn êgao, ênoh prăk diñu mơĭt kơ alŭ wăl čar Dak Lak jing êbeh 133 êklăk USD.

Hlăm hdră, hŏng ai êwa mjĕ giăm leh anăn h’up mđao, phung bi ala dưi hmư̆ klei hưn mdah kơ klei găl leh anăn dŭm boh tŭ dưn bruă duh mkra mđĭ kyar bruă duh mkra, ala ƀuôn mơ̆ng čar Dak Lak hlăm wưng êgao. Mbĭt anăn kah mbha klei klei čiăng, klei hmăng hmưi mơ̆ng mnuih ƀuôn sang dôk krĭng kbưi, hmăng hmưi čar lŏ dơ̆ng mkŏ mjing čiăng kơ mnuih Việt Nam dôk ti ala tač êngao duh bi liê kơ bruă duh mkra, đru mkŏ mjing leh anăn mđĭ kyar ƀuôn sang.