Klei bi kƀĭn jing mta kñăm yuôm bhăn hlăm bruă hưn mdah bruă kphê Việt Nam, hlăm anăn mâo Kphê Ƀuôn Ama Thuôt đĭ sa hnơ̆ng mrâo. Êbeh 4 êtuh čô bi ala mơ̆ng Phŭn bruă tuh tia mnia blei, Êpul hgŭm kphê -Ca cao Việt Nam, dŭm phŭn, dhar bruă gưl dlông; bi ala kơ khua gĭt gai dŭm čar, ƀuôn prŏng; phung khua bi ala, khua gĭt gai dŭm ala čar, êpul bruă, êpul hgŭm lu ala čar leh anăn dŭm anôk bruă duh mkra, mkra mjing kphê nao hlăm klei bi kƀĭn.

Nguyễn Tuấn Hà -  K’iăng Khua Knơ̆ng bruă sang čư̆ êa čar Dak Lak brei thâo, ară anei kphê mơ̆ng čar ba čhĭ leh kơ êbeh 70 ala čar leh anăn krĭng lăn, Phŭn bruă kreh knhâo - kdrăp mrâo bi mklă leh klei hưn mthâo bi mklă kphê Ƀuôn Ama Thuôt leh anăn dưi răng mgang ti 32 ala čar, krĭng lăn kluôm rŏng lăn. 10 hră mơar bi hdơr klei kuôl kă bi hgŭm plah wah dŭm anôk bruă leh anăn êngao ala čar hlăm bruă kphê dưi bi siñê hlăm Klei bi kƀĭn lŏ dơ̆ng pŏk dŭm klei găl mnia blei kơ bruă kphê, đru bi mklă ênoh kphê, mnơ̆ng dhơ̆ng lŏ hma Việt Nam leh anăn dôk truh ti dŭm krĭng lăn mrâo.