Ti čar Dak lak ară anei mâo êbeh 13.100 anôk bruă duh mkra dôk ngă bruă, đĭ êbeh 700 knơ̆ng bruă mkă hŏng thŭn 2023. Dŭm knơ̆ng bruă ti čar Dak Lak dôk hur har mlih mrâo kdrăp yua, ba yua lu hĭn kdrăp mrâo mrang, mkŏ wĭt bruă mkra mjing mnia mblei găl guôp hŏng anôk hŏng anôk mnia mblei.

Hlăm knăm bi hdơr 20 thŭn hruê phung mnia mblei Việt Nam, mbĭt hŏng bruă lŏ bi hdơr dŭm klei bhiăn yuôm bhăn mơ̆ng bruă kriê dlăng, mnia mblei, dŭm anôk bruă ăt mâo lu klei čiăng leh anăn klei akâo mâo hdră êlan ngă bruă tŭ dưn hĭn. Huỳnh Văn Dũng, khua êpul hgŭm anôk bruă duh mkra čar Dak Lak brei thâo, dŭm knơ̆ng bruă ti čar dôk čiăng êdu dŭm kdrông mkŏ knŭk kna čiăng kpưn đĭ truh kơ anôk mnia mblei prŏng.