Ƀuôn mkra mjing ƀung krô Chi Lăng ti ƀuôn hgŭm Khánh Xuân, ƀuôn prŏng Ƀuôn Ama Thuôt, čar Dak Lak mtrang pui jih hruê mlam čiăng mkra mnơ̆ng čhĭ Tết. Hà Văn Thích, sa hlăm dŭm gŏ sang mâo êbeh 20 thŭn hŏng bruă mkra ƀung krô brei thâo: Thŭn anei, hră akâo blei gưl Tết đĭ hlăm brô 45% mkă hŏng hruê aguah tlam leh anăn đĭ 10% mkă hŏng thŭn êlâo.

Čiăng ngă djŏ klei čiăng ba čhĭ, anôk bruă mkra mjing gŏ sang ñu mđĭ mnuih mă bruă, mmông mă bruă wăt mmăt čiăng hmao ba jao êlâo kơ Tết Nguyên đán. Hŏng Knơ̆ng briă Ban Mê Green Farm, sa anôk bruă thơ̆ng pla leh anăn mkăp trŏng msăm ti Dak Lak ăt dôk mđĭ bruă hrui pĕ čiăng ba čhĭ hlăm gưl Tết. Mbĭt hŏng bruă mkăp trŏng msăm mtah, knơ̆ng bruă lŏ hưn mthâo mnơ̆ng dhơ̆ng mkra mjing msĕ si: êa trŏng msăm hlăm giêt leh anăn trŏng msăm ƀhu krô êun, êa msĭn trŏng msăm, êa msăm mơ̆ng trŏng msăm djŏ guôp čiăng mkra mnơ̆ng mđup brei gưl Tết.