Leh sa thŭn mlih mrâo hlăm bruă anei, Khua gĭt gai čar mtă kơ dŭm anôk bruă hlăm čar lŏ dơ̆ng ngă bruă klă klơ̆ng, hmar mghiah msir klei dleh kpăk, klei amâo mâo djŏ mơ̆ng mnuih ƀuôn sang leh anăn hrăm mbĭt hŏng knơ̆ng bruă.

Hluê si klei hưn boh tŭ hnơ̆ng mrô mlih mrâo klei mlih hră mơar knŭk kna thŭn 2021 mơ̆ng dŭm čar, ƀuôn prŏng gưl dlông mơ̆ng Phŭn bruă kiă kriê bruă knuă hưn mdah, čar Dak Lak dôk tal 36 hlăm 63 čar, ƀuôn prŏng, đĭ 3,3 puăng leh anăn đĭ 9 gưl mkă hŏng thŭn 2020. Thŭn 2023, čar Dak lak gĭr mđĭ 5-7 gưl hlăm hră anăn mlih mrâo hră mơar knŭk kna leh anăn mdưm mta kñăm truh ti thŭn 2025, hnơ̆ng anei mơ̆ng čar srăng dôk tal 20 hlăm 63 čar, ƀuôn prŏng.