Dak Lak mphŭn rŭ mdơ̆ng sang mkra mjing boh kroh ba čhĭ kơ ala tač êngao mâo hnơ̆ng prŏng hĭn mơ̆ng êlâo truh kơ ară anei
Thứ bảy, 09:16, 11/03/2023
VOV Tây Nguyên
VOV Tây Nguyên
VOV4.Êđê- Hruê mbruê 10/3, ti să Ea Drơ̆ng, kdriêk čư̆ Mgar, čar Dak Lak, Knơ̆ng bruă êpul grup ba čhĭ boh kroh kơ ala tač êngao Chánh Thu mkŏ mjing knăm mphŭn rŭ mdơ̆ng sang mkra mjing boh kroh ba čhĭ kơ ala tač êngao Chánh Thu dak Lak.
Sang mkra mjing mâo hnơ̆ng 70 êbâo ton mnơ̆ng dhơ̆ng/thŭn hŏng ênoh bi liê êbeh 476 êklai prăk. Wưng mĭn tĭng rŭ mdơ̆ng leh anăn bi leh hlăm wang 18 mlan.
Leh ba ngă bruă sang mkra mjing srăng kƀĭn hlăm hrui blei đuh hruh dŭm mta boh kroh leh anăn boh kroh pioh bi êăt msĕ si: Durian, čêñ hruê̆, hbei taom, mtei, gu ga…čiăng ba čhĭ kơ China, Japon, Mi, Australia. Hlue si Hoàng Trung, Khua Knơ̆ng bruă răng mgang mnơ̆ng pla mjing, Phŭn bruă lŏ hma mđĭ kyar krĭng ƀuôn sang, hŏng klei găl kơ bruă lŏ hma mơ̆ng čar Dak Lak, leh mkra mjing, anôk anei srăng đru bi leh hdră mkra mjing bruă lŏ hma leh anăn mjing bruă mă kơ mnuih ƀuôn sang ti alŭ wăl./.
Viết bình luận