Klei rang mdah mâo 120 pŏk rup, hră mơar, mnơ̆ng dhơ̆ng, hdruôm hră čih kơ khua gĭt gai Tôn Đức Thắng. Hlăm dŭm mta mnơ̆ng rang mdah anăn, mnuih ƀuôn sang srăng thâo klă hĭn kơ sa hlăm phung lĭng kahan nao êlâo hlăm bruă krŭ kdơ̆ng sua wĭt klei êngiê kơ djuê ana, jing sa čô mah jiăng sui thŭn mơ̆ng Khua gĭt gai Hồ Chí Minh.

Klei hdĭp ngă bruă krŭ kdơ̆ng mơ̆ng Khua gĭt gai Tôn Đức Thắng jing gru mngač kơ ai tiê gĭr ktưn amâo mâo mdei hlăm bruă krŭ kdơ̆ng sua wĭt klei êngiê kơ djuê ana. Klei rang mdah anei jing bruă tŭ drông klei tŭ jing mơ̆ng klei kƀĭn prŏng Êpul bruă hđeh êdam êra cộng sản Hồ Chí Minh tal 12 dôk mkŏ mjing ti Hà Nội. hluê anăn, dưi mđĭ ai phung mda asei amâo mâo mdei klei tuoi hriăm leh anăn hluê ngă klei mĭn, knhuah hdĭp khua gĭt gai Tôn Đức Thắng.