Dak Lak: Rơ̆ng kơ bruă rŭ mdơ̆ng sang hră Knŭk kna rông ba mlih gưl hriăm čiăng drông hđeh sang hră mơ̆ng thŭn hriăm kơ anăp
Thứ tư, 10:39, 25/02/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Aguah mbruê 24/2, Êpul ngă bruă mơ̆ng Êpul khua bruă Đảng čar Dak Lak mơ̆ng Lương Nguyễn Minh Triết, khua bruă Đảng čar jing khua êpul nao čuă, hơêč hmưi tết mnuih mă bruă ti dŭm anôk rŭ mdơ̆ng dŭm sang hră Knŭk kna rông ba mlir gưl hriăm alŭ wăl knông lăn.
Ti dŭm anôk ngă bruă, khua bruă Đảng čar Lương Nguyễn Minh Triết êmuh hrăm, mđĭ ai, hơêč hmưi kơ phung mă bruă ti anôk bruă thŭn mrâo mâo lu klei hơ̆k mơak, mă bruă êđăp ênang, tŭ dưn. mbĭt anăn čih yap, pah mni ai tiê bruă klam, klei gĭr găn klei dleh dlan mơ̆ng dŭm anôk bruă.
Khua bruă Đảng čar Dak Lak hmăng hmưi êpul bruă djŏ tuôm lŏ dơ̆ng bi lar ai tiê bi mguôp, bruă klam, klei gĭr, ngă bruă êđăp ênang, djŏ wưng kčah, hnơ̆ng jăk leh anăn klei siam. Hluê si pô duh bi liê, truh kơ ară anei, 3 sang hră Knŭk kna rông ba mlir gưl hriăm gưl sa leh anăn gưl 2 ti dŭm să Ƀuôn Đon, Ia Rvê leh anăn Ia Lôp dưi mâo leh anăn êgao hdră kčah čiăng drông hđeh sang hră mơ̆ng thŭn hriăm kơ anăp.
Viết bình luận