Hlăm wưng anei, phung pla durian ti čar Dak Lak dôk mŭt hlăm wưng hrui pĕ. Grăp hruê mâo dŭm êtuh êdeh mdiăng container ktrŏ leh anăn lu mta êdh dŭ mdiăng, êdeh kai, êdeh đoh…dŭ mdiăng durian găn êlan dơ̆ng čiăng ba čhĭ. Êpul êya ngă bruă dôk mtrŭt mđĭ bruă ksiêm dlăng, kñăm răng mgang klei êđăp ênang hlăm êlan klông.

Čiăng ngă bruă anei, Êpul kahan ksiêm êlan kông dăp leh 100% kahan ksiêm êlan klông ngă bruă gak răng čiăng amâo mâo klei kpăk đuôm, klei bi drăm amâodah klei truh hlăm êlan klông, mbĭt anăn mñă kơ phung mgăt êdeh container bi klă hluê ngă djŏ klei bhiăn hlăm êlan klông, amâo mâo mdiăng êgao hnơ̆ng, đi pral, blă amâo mâo djŏ…čar Dak Lak mâo êbeh 22.500 ha durain, lu tĭ dŭm kdriêm Čư̆ Mgar, Čư̆ Kuiñ, Ea Kar, Krông Ƀŭk, Krông Hnang, Krông Pač, Ea Hleo leh anăn wăl krah ƀuôn Hồ. Hlăm anăn mâo êbeh 10.000ha dôk hrui pĕ, hnơ̆ng boh mnga thŭn anei đăo knăl mâo 185.000 tôn boh.