Nao ti knăm anei mâo phung khua Knơ̆ng bruă Mnia mblei, Anôk mtrŭt mđĭ bruă mnia mblei lehanăn êbeh 60 êpul êya bruă, êpul bruă nao hgŭm. Ti knăm anei, bi ala anôk bruă mnia mblei mơ̆ng 3 čar Dak Lak, Trà Vinh, Sóc Trăng hưn mthâo leh klei găl mâo hlăm bruă lŏ hma, mkra mnơ̆ng lŏ hma, bi hgŭm pŏk mlar wăl anôk hrui blei mnơ̆ng phŭn mơ̆ng alŭ wăl.

Bi ala dŭm anôk bruă duh mkra, êpul hgŭm hưn mthâo, kah mbha klei čiăng hrui blei mnơ̆ng dhơ̆ng. Nah êngao klei bi kƀĭn, anôk bruă duh mkra 3 čar rang mdah, hưn mthâo dŭm mta mnơ̆ng jăk, êdeh êdi, bi trông kơ hdră mkăp – hrui blei mnơ̆ng dhơ̆ng lehanăn hdră bi hgŭm hŏng dŭm ƀĭng hgŭm mkăn; êpul êya mkăp, mđing truh kơ hdră bi trông bruă mnia mblei. Ƀri gưl anei, mâo 29 hră m’ar bi hdơr bruă mnia mblei, hrui blei mnơ̆ng dhơ̆ng plah wah anôk bruă duh mkra, êpul hgŭm bruă lehanăn anôk mkăp mnơ̆ng dhơ̆ng mơ̆ng 3 alŭ wăl dưi bi mklă./.