Hruê 7/8, Êpul mă bruă mơ̆ng Anôk bruă gĭt gai gang mkhư̆ kơ yan adiê ngă kyua K’iăng Khua Phŭn bruă lŏ hma leh anăn mđĭ kyar krĭng ƀuôn sang Nguyễn Hoàng Hiệp, K’iăng Khua anôk bruă ngă khua nao ksiêm dlăng boh klei adiê hjan, êa lip ti čar Dak Nông. Êpul mtă kơ čar Dak Nông brei hnưm hưn mdah boh klei mjêč kơ yan adiê ngă čiăng dưi msir mgaih dŭm mta bruă klam, bruă knuă mjêč. Adiê hjan hlăm dŭm hruê êgao ti Dak Nông ngă kơ 2 čô djiê, giăm 200 boh sang leh anăn êbeh 650 ha ana pla mjing êngăp hlăm êa, lu hdră bruă nah gŭ msĕ si êlan klông, knơ̆ng kdơ̆ng êa jhat rai kjham, đăo tĭng luč liê jing êbeh 250 êklai prăk.

Mơ̆ng bruă ksiêm dlăng boh sĭt adiê hjan ăt msĕ mơh ti dŭm anôk klưh hroh lăn leh anăn hdră bruă knơ̆ng kdơ̆ng êa dôk klưh hroh ti Dak Nông, êpul bi mklă boh klei ti Dak Nông jing kjham, dleh ktuê dlăng. Brei čar hnưm hưn boh klei mjêč kơ yan adiê čiăng mâo dŭm hdră msir hlăm boh klei mjêč hŏng dŭm hdră jhat rai kyua yan adiê ngă msĕ si knơ̆ng kdơ̆ng êa, êlan klông. Brei ksiêm yap hruê huĭdah mčah knơ̆ng kdơ̆ng êa, čiăng hmao hưn lač.