Êpul gơ̆ng bruă ƀuôn sang čar Dak Nông bi mklă kơ bruă bi mŭt, mkŏ mjing mrâo dŭm knơ̆ng, dhar bruă: Bi mŭt Knơ̆ng bruă hâo hưn mtô mblang hŏng Knơ̆ng bruă kreh knhâo kdrăp mrâo jing Knơ̆ng bruă kreh knhâo leh anăn kdrăp mrâo. Bi mŭt Knơ̆ng bruă kriê dlăng bruă knuă hŏng Knơ̆ng bruă kahan êka êkeh ala ƀuôn jing Knơ̆ng bruă kriê dlăng bruă knuă. Bi mŭt Knơ̆ng bruă rŭ mdơ̆ng hŏng Knơ̆ng bruă êlan klông dŭ mdiăng jing Kñơ̆ng bruă rŭ mdơ̆ng. Bi mŭt Knơ̆ng bruă ngăn prăk hŏng Knơ̆ng bruă hdră kčah leh anăn duh bi liê jing Knơ̆ng bruă ngăn prăk. Bi mŭt Knơ̆ng bruă lŏ hma mđĭ kyar krĭng ƀuôn sang hŏng Knơ̆ng bruă ngăn dŏ wăl hdĭp mda jing Knơ̆ng bruă lŏ hma leh anăn wăl hdĭp mda.

Mkŏ mjing Knơ̆ng bruă djuê ana leh anăn klei đăo mơ̆ng tur knơ̆ng Anôk bruă djuê ana čar lŏ dlăng Anôk bruă klei đăo mơ̆ng Knơ̆ng bruă kriê dlăng bruă knuă. Snăn, ênoh anôk bruă thơ̆ng hlăm Knơ̆ng bruă sang čư̆ êa čar Dak Nông hrŏ leh mơ̆ng 18 adôk 14 anôk bruă. Ăt hlăm klei bi kƀĭn, Êpul gơ̆ng bruă ƀuôn sang čar Dak Nông bi tŭ ư mkra mđĭ hdră kñăm đĭ kyar GRDP thŭn 2025 mâo 8,11% (hnơ̆ng kčah hđăp jing 6,84%).