Blŭ hrăm hlăm knăm anei Lưu Văn Trung, K’iăng khua bruă Đảng čar, Khua êpul gơ̆ng bruă ƀuôn sang čar Daknông lač, bruă klei mrâo mđrăm mbĭt leh hŏng čar găn sa wưng dleh dlan, mâo ba wĭt leh lu klei tŭ dưn hlăm djăp mta. Hlăm anăn êdah êdi Daknông mkŏ mjing tŭ jing knăm bi hdơr 20 thŭn hrue mkŏ mjing, lehanăn drông mă mêđai hnŭk êngiê mrô 1, hnơ̆ng ênoh  PCI mơ̆ng čar đĭ 7 knhuang, dăp dôk tal 21 kluôm ala.

Ti anôk bi kƀĭn anei, bruă Đảng čar Daknông mkŏ mjing mbĭt klei pah mni bruă klei mrâo kmŭt mnia êa mah tal 9, thŭn 2024 kơ 33 klei čih jing kldưn hĭn, mơ̆ng 63 klei čih mâo mă klei pah mni. Anôk bruă jưh dôk ti lăn dap kngư mơ̆ng sang mđung asăơp blŭ Việt Nam mâo mă 3 klei pah mni hlăm hdră mđung asăp, mâo: Klei pah mni B hŏng klei čih “Tiŏ nao đảng viên grat mtah truh hŏng ƀuôn sang, mă klei hriăm mơ̆ng Daknông”, klei pah mni C hŏng klei čih “Mđĭ hĭn bruă ngă mơ̆ng êpul bruă Đảng krĭng mnuih djuê ƀiă ti Daknông”, lehanăn klẻi pah mni bi mđĭ ai hŏng klei čih “ksul mbŭ klei thâo khăp kơ lăn čar hlăm dŭm mmông mtô bi hriăm ti knông lăn”./.