Đoàn Minh Thuận, k’iăng khua bruă sang čư êa să Quảng Trực, kdriêk Tuy Đức, čar Dak Nông brei thâo, ti krah mlan hruê 31/7, ti ƀuôn Bu Krăk, să Quảng Trực mâo lu ênai mtuh ktang. Truh kơ aguah mbruê, mnuih ƀuôn sang ƀuh lu anôk joh kđang ti dlông rŏng lăn. Leh mâo klei hưn, bruă sang čư êa să Quảng Trực leh anăn êpul êya djŏ tuôm kdriêk Tuy Đức nao ksiêm dlăng.

Tinei mâo lu gru kđang mâo boh taih 200m, prŏng mơ̆ng 10 – 15cm ti wăl ƀuôn sang dôk. Leh kơnăn mtam, bruă sang čư êa leh anăn êpul êya ngă bruă mtrŭt mjhar, mbĕ mđuê̆ mnuih ƀuôn sang mbĭt hŏng ngăn drăp kbiă mơ̆ng anôk dlưh kđang truh kơ anôk êđăp ênang. Ară anei bruă sang čư êa să Quảng Trực leh anăn kdriêk Tuy Đức dôk tiŏ nao dŭm êpul êya leh anăn hdră êlan gang mkhư̆ dŭm klei tăm mâo.