Leh sa thŭn mtrŭt mjhar, êpul mkŏ mjing dưi mâo mă 64 klei bi lông. Hluê si klei bi klă, dŭm klei bi lông nao klă hŏng akŏ bi lông, čih yap hmar dŭm klei mrâo hlăm alŭ wăl, êdah hĭn jing klei čih lač kơ klei sa ai mơ̆ng kluôm bruă kƀĭn čar hlăm bruă hluê ngă hdră mtrŭn klei kƀĭn bruă Đảng dŭm gưl leh anăn hdră mtrŭn mơ̆ng bruă Đảng čar gưl tal 12, wưng thŭn 2020 – 2025.

Mkŏ mjing, ƀuah mkra hlăm Đảng, hluê hriăm leh anăn hluê ngă klei mĭn, knhuah hdĭp Hồ Chí Minh… Hưn mdah kluôm ênŭm dŭm mta hlăm klei hdĭp yang ƀuôn. Hlăm knăm, Êpul mkŏ mjing mđup brei leh klei pah mni kơ 36 klei bi lông kdlưn hĭn, hlăm anăn mâo 2 klei pah mni A, 9 klei pah mni B, 15 klei pah mni C, 9 klei pah mni mđĭ ai, mbĭt anăn pah mni kơ 2 êpul êya mâo bruă ngă kdlưn hĭn hlăm bruă mkŏ mjing klei bi lông.