Klei hưn mdah hlăm klei kƀĭn brei ƀuh, 5 thŭn êgao, knuă druh, lĭng kahan ti čar Dak Nông mâo klei bi mguôp sa ai, duh myơr klei mĭn, ai tiê, răng mgang kjăp klei êngiê, klei dưi kiă kriê lăn čar leh anăn klei êđăp ênang kơ mnuih ƀuôn sang, đru bi msiam ruah Lĭng kahan Awa Hồ hlăm wưng mrâo.

Hlăm 5 thŭn, mâo dŭm pluh êbâo gưl knuă druh, lĭng kahan đru kơ mnuih ƀuôn sang krĭng dleh dlan, iêo mkrum mâo êbeh 5,6 êklai prăk rŭ mdơ̆ng 78 boh sang bi mguôp, đru 1,4 êklai prăk mkŏ mjing hdră duh ƀơ̆ng đru kơ dŭm gŏ sang ƀun ƀin, mkă dlăng, mdrao klei ruă amâo mâo mă prăk kơ giăm 1.900 čô mnuih ƀuôn sang krĭng taih kbưi.