Daklak akâo kđăl knơ̆ng kdơ̆ng êa akŏ Krông Pač
Thứ ba, 10:51, 07/02/2023
VOV TAYNGUYEN
VOV TAYNGUYEN
VOV4.Êđê- Knơ̆ng bruă sang čư̆ êa čar Daklak mrâo mâo leh hră mơĭt kơ Phŭn bruă lŏ hma kơ klei kđăl knơ̆ng kdơ̆ng êa akŏ Krông Pač hlăm akŏ mlan 3 thŭn anei.
Knơ̆ng kdơ̆ng êa anei jing sa knơ̆ng mbông êa prŏng êdi mâo leh phŭn bruă lŏ hma bi mklă brei klei dưi hlăk thŭn 2009 lehanăn mphŭn rŭ mkra hlăk thŭn 2011, hŏng ênoh prăk duh bi liê jih jang hlăm brô êbeh 4.420 êklai prăk, Mâo êpul kiă kriê bruă duh bi liê rŭ mkra anôk knơ̆ng kdơ̆ng êa mrô 8 jing pô duh bi liê.
Leh rŭ mkra knơ̆ng kdơ̆ng êa anei srăng dưi krih mđoh kơ giăm 15.000 ha lăn pla mjing, mjing bruă knuă mă, mđĭ kyar klei hdĭp mda kơ 9.620 gŏ sang, mjing anôk lăn mnga êa mơak pioh kơ bruă hiu čhưn ênguê, lehanăn anôk rông hdang kan... Truh ti wưng anei, bruă rŭ mkra mâo ngă truh leh 90% ênoh bruă; jih jang mnuôr mbông êa ăt leh mơ̆ng 80 – 85% ênoh bruă.
Viết bình luận