Hrue knăm mơak kphê amâo mâo mă prăk djŏ hlăm wưng pŏk knăm mơak kphê Ƀuôn Ama Thuôt tal 8, thŭn 2023.

Dŭm anôk čhĭ kphê amâo mâo mă prăk ôh mâo čih hưn băng drôl čiăng ênưih thâo kral. Dŭm anôk čhĭ kphê amâo mâo mbha ôh hră mnăm kphê mnuih ƀuôn sang lehanăn phung tue truh ti sang mnăm kphê bi mnăm kphê amâo mâo liê prăk ôh Tui si ênoh mơ̆ng knơ̆ng bruă duh mkra mnia mblei čih yap, mâo leh 472 anôk čhĭ kphê hlăm kluôm čar iêo jak mnăm kphê amâo mâo aliê prăk ôh hlăm hrue 10/3. Hlăm anăn ti ƀuôn prŏng Ƀuôn Ama Thuôt mâo 352 anôk čhĭ kphê sa anôk, lehanăn 13 anôk hiu čhĭ kphê hlăm êlan Phan Đình Giót, ƀuôn hgŭm Tân Tiến.

Mbĭt hŏng klei iêo jak mnăm kphê amâo mâo liê prăk ôh hlăm hrue 10/3, ară anei mâo êbeh 50 anôk chĭ kphê mjing leh klei găl kơ mnuih ƀuôn sang lehanăn tue lông mnăm kphê amâo mâo liê prăk ôh mơ̆ng 2 - 5 hrue hlăm wưng dôk mkŏ mjing knăm mơak./.